आईची माया ( अभंगरचना )
आईची माया ( अभंगरचना )
आईची माया कोणही न जाणे
मायेचा तो स्पर्श कोणालाही न कळे I
कैसे हे कलियुग आले देवा जेथे एक पुत्रच
सख्ख्या आईबापाला हाणे II१II
भर रस्त्यावर एका कोपऱ्यात माय पुत्राविना विव्हळे I
ऐसा पुत्र होणेपरीस निपुत्रिक असणे चांगले II२II
पुसा त्या लेकरांना आईची माया
ज्यांनी मायेचे छत्र बालपणीच हरवले I
ज्ञानोबा माऊली असूनी जगाची त्यांनी
अनाथपण भोगिले II३II
थोर राजा आपला शिवबा होऊनी गेला I
मात्र त्यामागे नसता हात जिजाचा तर
अवघा हा मराठा नसता राहिला या जगता II४II
अशी ही थोर मायमाऊली माझी I
वर्णावी किती तिची ही थोरवी अन् महती II५II
एकच मागणे आहे पांडुरंगा तुजपाशी I
नको खितपत पडू देऊस कोणत्याही माऊलीला रस्त्याच्या
एका कोपऱ्यापाशी II६II