माणुसकी
माणुसकी
माणुसकी हाच असे
खरा मानवाचा धर्म |
फळाची इच्छा न धरता
करत रहावे सत्कर्म | |1| |
तृषार्तांना द्यावे पाणी पिण्यास
द्यावे भुकेल्यास खावया अन्न |
माणूसकी असेल मानवात तरच
मानव जन्म होतो खरा धन्य | |2| |
अतिथी देवो भव जाणतो जो
सदा आणून धर्म आचरणात |
प्रत्येक सजीव प्राणीमात्रांबद्दल
भूतदया बाळगून ठेवी स्मरणात | |3 | |
सुखदुःखात प्रत्येक मानवाच्या
करत रहावी नित्य संगत |
दान धर्म करून गोर गरीबांच्या
जेवायला घालणे नित्य पंगत | |4| |
माणुसकीविना माणूस हा
असतो हाडांचाच सापळा |
भावनाहीन अन् संवेदनाशून्य
अशांना माणसातून वगळा | |5| |