माणुसकी हरवली की काय

घेतला चहासोबत सकाळी

 वाचण्यास हातामध्ये पेपर 

वाटलं वाचता वाचता द्यावी 

जराशी एक त्रुप्तीची ढेकर 

पहिलीच बातमी वाचताना 

एकदम डोळेच विस्फारले 

चिरले जणू काळीज माझे 

हात आपोआपच थरथरले 

एका कोवळ्या जीवावर हो 

मिळून हल्ला चार नराधमांचा 

अतिशयोक्ती करून त्यांनी 

दाबला होता गळा त्या जीवाचा 

प्रतिकार शक्ती कमी पडली 

दाखला दिला होता जखमांनी 

एवढे पुरे नव्हते का म्हणून 

जीभही कापली हैवानांनी

 रक्तबंबाळ अवस्थेत तिच्या

 बालमनाचा घोटला गळा

 किती किती सोसल्या असतील 

मरणोत्तर वेदनेच्या कळा 

अशा कितीतरी अत्याचाराला 

बळी पडत आहे आपली माय 

मनात एकच प्रश्नांचा काहूर 

माणुसकी हरवली की काय?