अबोल मन

 अबोल मन माझे

 बसले कोपऱ्यात रूसून 

का काही बोलत नाही

 बघितले प्रयत्न करून

 अबोल मन माझे

 सुगंधी फुलासंग खेळायचे 

पवनासोबत करून गट्टी 

लावून पंख दुर दुर उडायचे

 

अबोल मन माझे 

झाडावरच्या चिंचा तोडून

 घेऊन सर्व सख्यांना 

खायचे चोखून चोखून 

अबोल मन माझे

 उंच आकाशात उडायचे 

घेऊन उंच भरारी

 नयनरम्य द्रुश्य बघायचे 

अबोल मन माझे 

गरजूंना मदत करायचे

 कुणाच्याही नजरेस न पडता 

जीवनावश्यक वस्तू द्यायचे

 अबोल मन माझे 

एवढे गप्प का बरे झाले

 एकांत दे ना जरा सोडून का

 अशांततेचे थैमान आले