माळरान

प्रत्येकाला वाटते हवेहवेसे

फिरायला हिरवं माळरान |

उन्हाचा बसताच तडाखा

करेल ते शितलता प्रदान | | १ | |

गवताचा मऊशार स्पर्श गोड

त्यांतून फुलपाखरे बागडणारे |

अधुनमधून उमललेली रानफुले

सुगंधित मंद गार वारे वाहणारे | |२| |

माळरानावर खरंतर भटकण्याची

मजाच असते खूप खूप न्यारी |

सोबत हवी खायला लोणचं ठेचा

कांदा अन् भाकरीची न्याहारी | | ३ | |

वृक्षराजींच्या गार सावलीत मस्त

वामकुक्षी घेण्यासाठी निजावे |

दिसताच चिंचा कैरी बोरं आवळे

पाडून हवे तितके मजेत खावे | | ४ | |