माझ्या काव्यात तू

आहे तुझाच भास सभोवताली

माझ्या श्वासात तू

ग्रीष्मात बनुनी थंडगार वाऱ्याची झुळक

येतोस तू

प्रभात समई बनुनी रविकिरण

अवनी वर उतरसी तू

माझ्या मन मंदिरात सारे चराचर व्यापूनी तू

तृणावरल्या दव बिंदूतही

मोत्या सम भासतोस तू

बनुनी राजकुमार माझ्या हृदय मंदिरी 

राज्य करणारा तू

तुझ्यात मी आणि माझ्यात तू हरवूनी

माझं अस्तित्व जपणारा तू

बनुनी अक्षरांची गुंफण माझ्या कवितेतील शब्द तू

ओठावरील गुणगुणार्या माझ्या काव्यात तू

माझी जिद्द तू , माझी उमेद तू

आहेस माझ्या जगण्याची ताकद तू

माझे स्वप्न ही तू, माझे सत्य ही तू

आहेस माझ्या जगण्याची दिशा ही तू