माझी माऊ (बालकविता)

छान छान माऊ माझी गोरी पान

इवले इवले डोळे तिचे घारे छान

लांब लांब शूपूट बघा झुपकेदार

वाघाची मावशी म्हणून ठेवतो मान

सकाळी येऊन मला म्यावं म्यावं

करून माझ्या पांघरुणात घुसते

लाडी गोडी लावते मला दुधासाठी 

माझ्याच पायांशी सारखी घुटमळते.

मासे तिला लागतात खायला फार

घरची राणी म्हणून मोतीवर रागवते

आणि जर आला कधी उंदीर मामा

तर उडी मारून त्याचा फडशा पाडते.

काऊला म्यावं म्यावं करून पळवते

डोळे मिटून झोपेचे सोगं घेऊन बसते

अन् जरा कुठून तिला आवाज आला

कान टवकारून ईकडे तिकडे बघते.

माझी मनी माऊ मला फार आवडते

तिच्यासाठी मी मासे अन् दूध ठेवते

तिच्या संगे खेळण्यात मजा मला येते

तिच्या शिवाय मला मुळी करमत नसते.