माझे घर

मंद पहाटेला माझे घर माझ्याशी बोलते 

सर्व जुन्या आठवणी उजळून काढते 

घराच्या चार भिंतीत कुटुंब माझे वसते

कितीही मैलावर असलो तरी परतीची ओढ लागते 

आमच्या सर्वांची सुख दुःखे या घराने पाहिली 

खचलेल्या मना दिला आधार

अडीअडचणीला साथ मोलाची दिली 

पण कधी ना केले निराधार 

आमच्या उदासीने ते हि उदास होत असे 

हसत्या खेळत्या घरात का बरे असे घडे 

लहानांच्या उपस्थितीने घर बोलके होत असे

असे हे घर गिरवी संस्काराचे धडे 

या घराने झेलले अनेक पावसाळे

ओल्या भिंतीतून व्यक्त केले भावनांचे शहारे 

मायेने आम्हा सर्वांना कवटाळे 

कुटुंबियांच्या सुखासाठी दिले रात्रं दिवस पहारे 

बघता बघता दिस सरले 

पाखरे उडू लागली नव्या ठिकाणी 

घराचे घरपण हरवू लागले 

सोबत राहिल्या घराच्या जुन्या आठवणी