लज्जा रक्षण
लज्जा रक्षण
घुंगरू पायातील माझे सत्य सांगून गेले
होते मैफिलीत मला तुम्हीच ऊभे केले |
प्रेमाच्या दुनियेत येथे लांडगेच भेटले होते
मुखवटा लावून कोणी मजला लुटून गेले |
प्रेमावर ज्याच्या मी विश्र्वास ठेवला होता
त्यानेच माझा येथे लिलाव मांडला होता |
न्याय कसा मिळेल येथे शोषीत बालिकांना
जेंव्हा न्यायासनी जेथे लुटारु बसवले होते |
एका सामान्य महिलेस न्याय कसा मिळावा
द्रौपदीस ज्यांनी येथे अपमानीत केले होते |
नाही हे द्वापारयुग कलीयुगाची काळी छाया
पदोपदी दुःशासन नाही कृष्ण प्रेमाची छाया |
आपुले लज्जा रक्षण आपणच स्वत: करावे
होऊनी काली माता दुष्टाचे निर्दालन करावे ||