खरी ओळख

होता गोड गैरसमज माझा

मी जगास ओळखले होते

स्मशानात गेल्यावरती मज

खरे वास्तव समजले होते |

जोवर होते या कुडीत प्राण

माझे हे शरिरही सुंदर होते

जाताच या कुडीतून प्राण

येथे फक्त कलेवर उरले होते |

शोकसभा आयोजित केली

कोणी त्याच स्मशानात

त्या शोकसभेत साठी बरेच 

नाईलाजाने थांबले होते |

ऐकली श्रद्धांजली सभेत 

खोटी भाषणे उपस्थितांची

त्यांच्या अंतरीचे सत्य स्वरूप

मज अंतसमयी समजले होते ||