आभासी दुनियेतील मैत्री

तुझ्यासह मैत्रीचे नाते आज अधिकच घट्ट झाले

आभासी दुनियेच्या मैत्रीचे धागे जसे सैल झाले |

किती मित्र या आभासी दुनियेत मी जोडले होते

श्रद्धांजलीस माझ्या येथे ना कोणीच हजर होते |

माझ्या अंगणातील फुलझाडेही कोमेजली होती

एका वादळी पावसाने ती मातीत गाडली होती |

त्या झाडावरील फुलेही मातीत मिसळली होती

श्रध्दांजली वाहणारी ओंजळ मात्र रिकामी होती |

आभासी या दुनियेमधे होते आभासीच सारे मित्र

उचलण्यास मजला हजर होते माझेच बाल मित्र |

मैत्री माझ्या बाल मित्रांची कोणासही कळणार नाही

आभासी मित्रांकडून असं प्रेम कधीच मिळणार नाही |