पाऊस आणि छत्री

असून हातात छत्री माझ्या

खांदा माझा भिजला होता

छत्री असलेला हात माझा

तुझ्या डोक्यावर धरला होता |

पावसात तु भिजू नयेत

एवढाच माझा उद्देश होता

पहाणाऱ्यांनी मात्र उगीचच

पराचा कावळा केला होता |

मी ते मनावर घेतले नाही

पण खांदा माझं ऐकत नव्हता

तुझ्या समवेत चालताना

हळूच तुला बिलगत होता |

काय चूक त्या बिचाऱ्याची

पावसात चिंब भिजला होता

थंडीमध्ये थोडीशी तोही

आसपास ऊब हुडकत होता |