लहानपण - एक आठवण

एक काळ असा होता,की आमचा काही हट्ट होता

कोणी काही बोललं तरी बाणा निगरगट्ट होता

अगदी च ऐकले नाही तर आई बाबांचा रट्टा होता

गप्पा ठोकायला छानसा कट्टा होता ||१||

आता मात्र जमत नाही जमले तरी चालवत नाही,

कट्टयावर कोणी भेटत नाही ,कारण आम्ही मोठे झालो

कारण आम्ही मोठे झालो ||२||

जबाबदारीचे भान आले, चार पैसे कमावण्यासाठी जीवाचे रान केले

चिल्ल्या पिल्ल्यांसाठी काबाड कष्ट केले

चिल्ले पिल्ले मोठे होवुन साहेबांच्या देशात गेले ||३||

विटी दांडू ,लिंगोरच्या, डब्बा ऐसपैस,

सगळ्याचा आनंद परत घेता येवू दे

देवा माझे लहानपण स्वप्नापरीस मला डोळे भरून पाहू दे

डोळे भरून पाहू दे ||४||