कुपोषण

रानातली ही फुले

दुर्गम डोंगर भागातले

इवली इवली ही मुले

राजे ही घाटातले

कुपोषित ही बालके

दिसतात लुकडे सुकडे

भटकतात इकडे-तिकडे

दारिद्र्याचा यांना श्राप

दुर्लक्षित करतात माय-बाप

शिक्षणाचा होतो यांना ताप

जीवनसत्त्वाअभावी

मंद झाली त्यांची वाढ

पोषक आहाराअभावी

दिसतात ती कुपोषी

अज्ञानामुळे थांबली प्रगती

गरीबी त्यांची लाचारी

सदा पडतात आजारी

अन्नासाठी वणवण भटकंती

दुर्लक्षित करतात पुढारी

कोणीही त्यांना न विचारी

कुपोषित ही बिचारी

पोटभर अन्न मिळण्याचे

हे आहे अधिकारी