कष्टाची वाट

प्रतिदिन सुखाचे

दारात लोळण.....

परि मन माझे

आहे का विराण ।।

धावते हे जग

स्पर्धाही अफाट.....

अस्तित्व टिकवताना

होते फरफट ।।

कष्टाची वाट ही

मोठी खडतर.....

चालताना ती

झेलले प्रहार ।।

संघर्ष करताना

बदलले मुखवटे....

माझ्याच दुनियेत

मन माझे एकटे ।।

अस्वस्थ असे मन

बोलले मला हे.....

विसरून देह भान

जग, मोहक क्षण हे ।।

ध्येय गाठताना

मन मलाच सांगे.....

राहा प्रामाणिक तू

तुझ्याच सांगे ।।

सुंदर विचारपुष्प

मनी रेंगाळतात.....

विराण मनात या

सुगंध पसरवतात ।।