करू या वृक्षारोपण

जीवसृष्टी आहे वैविध्यपूर्ण छान

पृथ्वी बहुविध आहे रत्नाची खाण

वृक्षवल्लीमध्ये औषध गुणकारी

पर्यावरण जीवसृष्टी हीच शान ||

वनस्पती आहेत स्त्रोत साधनसंपत्तीचे

वृक्षतोड थांबूनी जागा हो मानवा

संवर्धन आणि संरक्षण करूनी

एक -एक झाड लावूनी पर्यावरण वाचवा ||

नव्या पिढीला सांगून महत्व वृक्षारोपणाचे

पुढे करूनी कर दिव्य ते चरण

सभोवताली करूया वृक्षारोपण

झाडे लावून करूया वृक्षसंगोपन ||

पर्यावरण संवर्धन समृद्धीची वाट

हीच तर खरी आहे सर्वांची सुरक्षा

ऑक्सीजन मिळण्यासाठी उठली लाट

सर्वांनी पर्यावरणाची करू या रक्षा||

शिक्षणातून जाणीव जागृती करू या

वृक्षारोपण करून पर्यावरण अभ्यास

पर्यावरणाचा ऱ्हास आता थांबवू या

वृक्षारोपण करूनी निसर्ग बनवू खास ||