क्रांतीसूर्य तू

रामजी न् भिमाईच्या घरात

हा क्रांतीसूर्य उदयास आला

सर्वधर्मसमभावासाठी त्याचा

सारा जन्म झगडण्यात गेला

काळाराम मंदिरात केलाच

अस्पृश्यबांधवांचा शिरकाव

प्रतिकार नि अन्यायाविरूद्ध

घेतलात तुम्ही हृदयाचा ठाव

बनला तुम्ही भाग्यविधाता

लिहिले या राष्ट्राचे संविधान

करूणाशील व्यक्तिमत्वाचा

वाटे आम्हा सार्थ अभिमान

पसरला होता दलितांच्यात

अज्ञान अन्यायाचा अंधकार

आला बनून महामेरू तुम्ही

सूर्यासम करण्यास प्रतिकार

शिका आणि संघटित राहा

आंबेडकरांचा हाच मूलमंत्र

जगण्यासाठी सुकर जीवन

वापरले त्यांनी जीवनी तंत्र