कोणीतरी झुरत जगतंय

तुझ्यासाठी वेड्या मना 

कोणीतरी वाट बघतंय 

तू भेटशील या आशेत 

कोणीतरी झुरत जगतंय ||0||

तुझ्यासाठी तिने जगी 

जन्म नक्की घेतलाय 

भाव वेडा प्रीतीचा  

हृदयी का चेतलाय 

स्मित भाव मनी लेवून 

कोणीतरी स्मित हसतंय 

तू भेटशील या आशेत 

कोणीतरी झुरत जगतंय ||1||

कधी भेट होईल तिची 

काही सांगू कसे 

जितका करू विचार मी 

हृदय तितकं फसे 

हृदयी माझ्या हळुवारपणे 

कोणीतरी हळूच वसतंय 

तू भेटशील या आशेत 

कोणीतरी झुरत जगतंय ||2||

हृदयाच्या गाभाऱ्यात 

प्रेमाच्या इशाऱ्यात 

प्रेमरूपी अवखळ 

तीच या वाऱ्यात 

चौकटीत हृदयाच्या 

कोणीतरी फिट बसतंय 

तू भेटशील या आशेत 

कोणीतरी झुरत जगतंय ||3||