कोकणमेवा
कोकणमेवा
सुट्टी लागली जाऊ या
रत्नागिरी आजोळला
वाट पहाती आजोबा
आजी तयार खाऊला
आंबा फणस पोळीचा
गोड सुगंधित वास
आंबे पिकती अढीत
येई मधुर सुवास
काजु , पोहा मिरगुंड
मऊ भात जिरेसाळ
मेतकूट नि लोणचे
वर असे तूपधार
मावा आवळा सुपारी
पेठा आवळा सुंदर
पन्हे कोकम आवळा
सरबते हो मधुर
आले लिंबू नि जांभूळ
करवंद सरबत
गोड कोकम आगळ
तृप्त रसना मनात
असे पोटभरी खावे
अन् शांत झोप यावी
आजोळचे सुख भारी
इच्छा रहाण्याची व्हावी