खरंय माझं
खरंय माझं
मी पहात नाही तुला...
ना चोरून, ना म्होरून,
ना हासून,ना लाजून ।
मी शोधत नाही तुला...
ना नजरेच्या आडून,ना गर्दीला सारून,
ना रस्त्यात थांबून,ना बाजूला होऊन ।
मी म्हणत नाही तुला...
ना घाबरून,ना धडसावून,
ना दचकून,ना फरमावून ।
मी बोलवत नाही तुला...
ना स्वप्नातून,ना खऱ्यातून,
ना सांगाव्यातून,ना बुलाव्यातून ।
मी लपवतही नाही तुला...
ना मनातून,ना जिवातून,
ना हृदयातून,ना स्पंदनातून ।
मी फक्त दाखवत नाही तुला...
ना शब्दातून,ना भावनेतून,
ना ओठातून, ना डोळ्यातून ।