खेळ जीवनाचे

भास की सत्य स्वप्न उद्याचे

भाव नयनी सुखी संसाराचे।।धृ।।

एक घरटे मिळाले सुंदर

मखमली सुखाची चादर

सोहळे चालले या जीवाचे।।१।।

एक अपेक्षा या जीवाची

दृष्ट ना लागावी कुणाची

खेळ होऊ नये जीवनाचे।।२।।

खेळ दैवाचा कळे कुणाला

लिहिलेले काय प्राक्तनाला

काय पाहिले कोणी उद्याचे।।३।।

दुःखेच का येती वाट्याला

सोडती का सुखे मानवाला

सिद्ध आहेत दूत त्या यमाचे।।४।।

भोग असतील जे नशिबात

ते सारेच भोगावे लागतात

सार हेचि असे या जीवनाचे।।५।।