"कॅशलेस" इंडीया

नोटबंदीच्या एकहूकमी निर्णयाची

सर्वत्र होतेय चर्चा सॉलिड ;

पूर्वतयारीविना " कॅशलेस " इंडियाचा

घेतलेला निर्णय " व्हॅलीड ".

नोटाबंदीमुळे गोरगरिबांच्या

तोंडाला फेस आलाय ;

रिकाम्या खिशाचा उधारीचा

व्यवहार " कॅशलेस " झालाय.

पांढरा पळून पळून थकलाय

पण काळा मात्र जपून आहे ;

पांढरा झाला बँक जमा

काळा अजून लपून आहे .

काळ्याला तारक असे शासनाचे

" अभय " योजना धोरण ;

काळ्याला वाचवतांना पुन्हा

पांढऱ्याचेच आहे मरण .

नोटाबंदीमुळे काळ्या- पांढऱ्याची

जुळलीत अतूट अशी नाती ;

कॅशलेसने बँक अधिकारी-

कर्मचाऱ्यांच्या नोकरीची माती .

कॅशलेसच्या मदतीसाठी शासनाचे

नवीन " भीम " अँप आलेय ;

आपलाच अंगठा पासवर्ड

ठरवून शासकीय मॅप झालेय .

रांगेत उभे राहून निशुल्क

बँक व्यवहार फक्त " थ्री "

सर्वसामान्यांना बँकेत जाणे- येणे

तेवढेच आता " फ्री "

"आपल्याच पैशासाठी रांगा "

हीच नोटाबंदीची कथा ;

लोकांनी लोकांसाठी निर्मिलेल्या

लोकशाहीची ही गाथा .