काय फायदा,काय आहे हशील

काय फायदा, काय आहे हशील

नांदत , होते जीवन तेथे,

काही, दिवसापुर्वी तिथे !

अस्तावस्त पडलेल्या वस्तु,

सफाई सुध्दा, होत नाही तिथे !! 1

निर्जन वास्तु, रिकाम्या खाटा,

माणुसकीला, पारखे झालेले लोक!

वास्तु , करूण स्वरात पुकारते,

द्या हो मज, जीवनाची भीक ! !2

अजून ही आम्ही, थांबवु शकत नाही,

पर्यावरणाने, झालेला ऱ्हास !

सृष्टीच , मृतप्राय, झाली तर,

कोण करील, वसुंधरेवर निवास !! 3

जंगलात होत असलेला वृक्षांचा ऱ्हास,

बंदिस्त, विचारात, जगत असलेले जग!

प्रदुषणाने,वाढत असलेले तपमान,

कुठवर हे विश्व , धरून राहिल तग !! 4

खुल्या हवेत, आम्ही आज ही,

श्वासोश्वास, करू शकत नाही!

मी, एकटा काय करू शकत़ो,

नकरात्मक, सुचतच नाही काही ! !5

वनस्पती,प्राणी, अन मानव,

एका कडीत बांधली, सजीव सृष्टी !

एक कडी , जरी तुटली तरी, सर्वनाश,अटळ,कुणांजवळ ही दृष्टी !! 6

भोग विलासाची, अर्थव्यवस्था,

वसुंधरेसाठी, वेळ आहे कुणाला!

जो तो आहे, आपल्याच स्वार्थात,

तरी ही शरम नाही मनाला !! 7

अजून ही वेळ गेलेली नाही,

ईमानदारीने प्रयत्नांची, शर्थ करा!

नाहीतर, ब्रम्हांडातील, असंख्य ग्रहांपरि,

सजीव हीन , होईल आपली धरा !! 8

निर्जीव वस्तु, जागच्या जागीच राहतील,

उपभोग, घेणाराच नष्ट होईल!

लक्षात असु द्या, असे वागण्यात,

काय फायदा, काय आहे हशील !! 9