कान्हा ( गवळण )

यशोदेचा कान्हा ,कुठे गेला हरी

शोधून थकले,आले बाई घरी||धृ||

रात्रंदिन लागे, तुझाच रे ध्यास

कधी भेटशील, सख्या तुझी आस

कासावीस जीव,होतो माझ्या उरी

शोधून थकले,आले बाई घरी||१||

मन मंदिरात,असे तुझी मूर्ती

राधाकृष्ण सखा,जगामध्ये किर्ती

नको ठेवू कान्हा,मजसी रे दूरी

शोधून थकले,आले बाई घरी||२||

येई प्राण कंठा,किती वाट पाहू

तुझ्या प्रेमरंगी, रंगून मी जाऊ

अंतकाळी कान्हा, धाव रे सत्वरी

शोधून थकले,आले बाई घरी||३||