जनसेवा ( अभंग रचना )

आजचे पुढारी I थोतांड करती |

आनिक म्हणती I जनसेवा ॥ १ ॥

फुकाचे भाषण | कृती नाही काही I

दिशा केल्या दाही I भ्रष्टाचारी ॥ २ ॥

होत्या त्या वेगळया | व्यक्ती हो महान I

जीवाचे ते रान | देशासाठी ॥ ३ ॥

झिजवली काया | अखेरचा श्वास |

दिला समाजास I मनोभावे ॥ ४ ॥

ते महापुरुष | वंदनीय पहा |

विचारात रहा | सदा त्यांच्या ॥ ५ ॥

दुसऱ्या डोळयात | आनंद पाहता |

सुखाने वाटता | मुक्तपणे ॥ ६ ॥

खरच आनंद I मिळतो असाच I

वसा घेतलाच | जनसेवा ॥ ७ ॥