जन्माची गाठ
जन्माची गाठ
एकमेका देऊ साथ
जन्मजन्मांतरी गाठ,
नाते सुंदर विश्वात
देई प्रसिद्धीस वाट..!!१!!
रंग गहिऱ्या प्रेमाचे
उमलले बोहल्यात,
समजून एकमेका
साथ देई आयुष्यात..!!२!!
आशीर्वाद मिळे थोर
स्फूर्ती येई विचारात,
धोरणांची रूपरेषा
कार्यान्वित समाजात..!!३!!
कला कौशल्यांची जोड
सखा सोबती जवळ,
कर्म कांड सहचर
मिळे चैतन्याचे बळ..!!४!!
जोड अशीच फुलावी
धर्म-कर्म पुण्य व्हावे,
लाभो उदंड आयुष्य
तुम्ही सौख्याने नांदावे..!!५!!