जन्म क्रांतिसूर्याचा
जन्म क्रांतिसूर्याचा
🙏🙏🙏🙏🙏🙏🙏🙏🙏🙏🙏🙏🙏
भूतली दाटला निबिड अंधकार
कर्मठानी समाज व्यवस्थेवर घातला घाला,
भिडण्या त्या भयाण काळोखा
क्रांतिसूर्य जोतिबानं जन्म घेतला! ||१||
क्रांतिसूर्यानं उघड्या डोळ्यांनी हेरलं
अनिष्ठ रूढी, प्रथा, अस्पृश्यता, स्त्री दास्याला,
'अखंड'तूनी केला प्रहार विषमतेवरी
उद्गारलं पेटवूनी मानवतेच्या ज्योतीला! ||२||
होण्या जाणीव स्त्रीला अन्यायाची
असावी लागेल ती साक्षर,सज्ञान,
पेललं शिवधनुष्य स्त्रीशिक्षणाचं
सावित्रीच्या साथीन केलं दूर तिचं अज्ञान! || ३||
सत्यशोधक धर्म स्थापूनी दिली
तिलांजली जातीव्यवस्थेला
'शेतकऱ्याच्या आसुडा'तून फोडली
वाचा कृषिवलाच्या दयनीयतेला! ||४||
स्त्री शिक्षणाचं घट्ट रुजवूनी झाड
विधवाविवाह,पुनर्विवाहास दिलं बळ,
'गुलामगिरी'तून बालविवाह,केशवपन,अस्पृश्यता
सती प्रथेचं उन्मळून फेकलं मूळ! ||५||
पटले बाबासाहेबांना विचार थोर
क्रांतिसूर्य महात्मा जोतिबांच्या समाजसुधारणेचं,
झालं मिलन क्रांतिसूर्य-प्रज्ञासूर्याचं
गुरू मानूनी केलं आचरणं जोतिबांच्या तत्वांचं! ||६||
म्हणतो समाज सारा या कर्मयोग्याला
क्रांतिसूर्य महात्मा जोतिबा फुले,
होते कर्ते समाजसुधारक पहिले
या तेजप्रकाश नररत्नाला शब्द पुष्पांजली वाहिले! ||७||
🙏🙏🙏🙏🙏🙏🙏🙏🙏🙏🙏🙏🙏🙏