मी मराठी शाळा बोलते

*किती दिवसांपासून बंद*

*आहे माझी मराठी शाळा*

*आता कोण घेणार झाडून नि*

*पुसत असेल तो काळा फळा?*

*माझ्या मराठी शाळेच्या भोवती*

*किती झाली असेल ना घण?*

*चिमण्याही ठेवून असतील नजर*

*खिडक्यांकडे एकटक ते ध्यान!*

*पाण्याविना सुकली ना आता*

*परसातील फुले नि वेली झाडे*

*कोण म्हणत असतीलआता ते*

*भिंतीवरचे रंगीत संगीत पाढे?*

*ना कोणी आता मित्र भेटती*

*हरवली आता ती दंगामस्ती*

*जरी मिळाली एवढी ही सुटी*

*आली मला आता खुप सुस्ती!*

*असतील कुठे आता माझे*

*गुरुजी ,बाई नि माझी शाळाईँ*

*झालिया आता माझ्या मनाला*

*त्यांना भेटण्या मला झाली घाईँ!*

*आता सारखे मला असे वाटते*

*उघडावी माझी लाडकी शाळा*

*बोलक्या भिंतीचा लागला जीव*

*पुन्हा लागावा मला शाळेचा लळा*

*ऑनलाइन ही आता असे शाळा*

*जरी झाली ती मोबाईलवर सुरू*

*कितीही समजवून मला समजेना*

*गृहपाठ सांगाव कसा पूर्ण करू?*

*शाळेमध्ये मिळत होता कधीतरी*

*मिळत होता बाई-गुरुजींचा मार*

*पण सांगा खरं बाईं-गुरुजींविना*

*कसे होतील हो मुलांवर संस्कार*