जीवनाचे रहस्य

कसे उलगडावे रहस्य जीवनाचे ?

कोठुनी आलो कोठे आहे जाणार ?

कधी सुरुवात होईल या प्रवासाची ?

कधी जीवनाचा हा प्रवास संपणार ?

कसा हा जन्म काय करावे जन्मून ?

काही मिळेल ?की मिळवावे लागणार ?

कधी सुटतील हे असंख्य प्रश्नांचे जाळे ?

की त्या सरणा संगे जळून जळणार ?

काय शोधण्या आलो ?कधी सापडणार?

कसे सुख मिळेल ?कधी दुःख संपणार ?

स्वप्नाच्या मागे धावताना कधी अचानक

आपणच एक सप्न बनून नाही ना राहणार ?

कसं शोधावं ते रहस्य जन्म मृत्यूचे ?

कसा आयुष्याचा हा अंत थांबवणार ?

पिकलेले पान एकदा गळून पडल्यावर

पुनर्जन्म म्हणून तेच नव्या पालवीत जन्मणार...?