झाला दूर वियोग प्रिये
झाला दूर वियोग प्रिये
तू मदनाची मंदाकिनी
तू मेनका तुच उर्वशी
ये अशी समिप तू प्रियतमा
घे डाव्या हाताची तुला उशी
नको लाज बाळगू प्रिये
नको इतक्यात लोटू दूर तू
हुरहुर माझ्या मनाचीं
सखे आता करायला हवी दूर तू
दिवे सारे मंद झाले
शुभ्र चांदण्याची सजली फौज
तोडूनिया बंधने लाजेची
आजच्या क्षणाला करूया मौज
घेऊनिया तुला बाहुपाशात
वाटे लुट लुटावी तव यौवनाची
गोऱ्या तुझ्या गालावर आली
सखे का लाली ती मदनाची
घडी ही मधूर मिलनाची
झाला दुग्ध शर्करा योग प्रिये
दिले तुला आलिंगन मी
झाला दूर सारा वियोग प्रिये