जगाचा पोशिंदा माझा बाप

माझा बाप शेतकरी राजा

शेतात नुसता राबराब राबतो

निसर्गावर अवलंबून त्याचे सारे जीवन

तरीही जगाचा पोशिंदा म्हणवतो १

बी बियाणं शेतात पेरल्यावर

अधाशासारखी पावसाची वाट पाहतो

पण अवकाळी पाऊस आल्यावर

नुकसानीमुळे हंबरडाच फोडतो २

मुलांचे शिक्षण आणि कुटुंबासाठी

पैशाविना चिंता करत राहतो

शेतातील पिके नि खते यांच्यातच

आयुष्यभर स्वतःचे जीवन पाहतो २

बाप माझा आधारवडच घराचा

मुलांवर संस्कार,मायेची पखरण करणारा

स्वतः दोन घास कमी खाऊन

कुटुंबासाठी काटकसरीने पैसे साठवणारा ४

शेतीवर अवलंबून जीवन त्याचे

मग दुष्काळाच्या झळांनी मात्र तो भरडला जातो

महापूर,अवकाळी,गारपीट होता

पिकांसाठी निसर्गच कर्दनकाळ ठरतो ५

पोटासाठी कमवावे लागले तरी

सरकारी कर्ज काही माफ होत नाही

संकटांचा सामना कितीही केला तरी

उपाशीपोटी कुटुंबाला पाहवत नाही ६

एक दिवस डोक्यावरचे कर्जाचे ओझे पाहून

पिकांचे झालेले नुकसान सहन नाही होत

तेव्हा जीवन संपवायचा विचार करून

आत्महत्येने मावळली त्याची प्राणज्योत ७