इंटरनेटची शाळा-कविता
इंटरनेटची शाळा-कविता
एकदा काय झाले
इंटरनेट बोलू लागले
ऐटीत गर्वाने फुलले
सर्वांस गोष्टी सांगू लागले
शिक्षणाचा राजा मी
हुकूम सोडतो सर्वाना
सर्वांस शिकवितो मी
आज्ञा आहे विद्यार्थ्यांना
मीच म्हणजे शिक्षण
मीच म्हणजे जीवन
जग भुलविले आपण
आपल्या शिवाय नाही जगणंं
मुले आनदांने नाचले
इंटरनेटचे स्वागत केले
पक्षी,प्राणी तेही आले
आनंदाने गाऊ लागले
मग काय झाले
इंटरनेट रडू लागले
मध्येच बोलणे थांबले
मित्र कावरे बावरे झाले
प्राण कासाविस झाला
दम त्याचा कोंडला
हळूहळू चालू लागले
संभाषण सारे संपले
गर्वाचे शब्द संपले
हळूच गायब झाले
सर्वकाही तिथे थांबले
स्वत:चे अज्ञान कळले
इंटरनेट म्हणजे धोका
शिक्षणात मोठा धक्का
भयंकर संकट ओढविण्याचा
जीवंत शिक्षण संपविण्याचा