हरवलेलं बालपण...

बालपणीचा काळ सुखाचा

कधी घेणार तुम्ही समजून ?

मिळेल का पुन्हा हे माझं ?

सांगा हरवलेलं बालपण .

मुले देवा घरची फुले

फुले सारी कोमेजली,

या स्पर्धेच्या युगामध्ये

होळी बालपणीची झाली.

मित्र, सवंगडी गेले दूर

मैदानावर न खेळती पोरं

दप्तर ओझे पाठीवर

मोबाईल ची ही पडली भर.

दूर गेला मामाचा गाव

अभ्यास, गृहपाठ वाढला फार,

सुट्टीत ही नसे खेळ,फिरणे

परीक्षा, अभ्यासाचाच घोर.

विटी- दांडू,गोट्या-चेंडू

खेळ सारेच गेले विसरून,

खंत वाटे माझ्या मनाला

देवा हरवले बालपण...