लाइब्रेरी
प्रोफाइल
हरवलाय झोका
हरवलाय झोका
1 min
27K
माणसांच्या गर्दीत हरवला आहे झोका
तयाच्या स्मृतीनंही चुके काळजाचा ठोका
जिव्हाळ्याच्या झाडाला झोका होता बांधलेला
माणूसकीच्या धाग्याचा दोर होता सांधलेला
विश्वासाचा दोर आता गळफासाचा झालाय
स्त्री अत्याचाराचा प्रश्न एेरणीवर आलाय
भ्रष्ट विचारांचा झोका उंच आभाळी चालला
माणसांएेवजी आता पैसाच बोलू लागला
प्रदूषणाचा विळखा निसर्गाचे हेलकावे
पशू पक्षी प्राण्यांनी सांगा कुठे झुलावे?
