हर्ष मनाला, नववर्षाचा

प्रकाश पहिल्या किरणांचा

वसुंधरेच्या गाली पडला 

रोमांचित ही तनु जाहली 

स्वर्गसुखाचा आनंद झाला १

पहाट कोवळी नववर्षाची 

दवबिंदूच्या कणा कणांची 

अलगद टिपता क्षण सोनेरी

 उमलत्या बकुळ फुलांची २

सुगंधात ही प्रभात न्हाली  

कोरली नक्षी अंबरी

नवतेजाने गगनही झळके 

स्वप्न उद्याचे सोनेरी ३

घेऊ भरारी आशेची 

विहार करू गगनाचा 

पंखांना या बळ देऊनी

जल्लोष नव्या वर्षाचा ४

साकार करू ध्येयाला 

नववर्षाच्या त्या स्वप्नांना 

ज्योत पेटवू मनामनाची

 ठेवू अबाधित सुखांना ५

हर्ष दाटतो चहूकडे

मना मधुनी सूर उमटतो 

सकाळ सोनेरी नववर्षाची

एक अनामिक सुगंध येतो ६