होळी : एक प्रेमोत्सव

लाली तुझ्या प्रितीची,

माझ्या गालावर रे दिसतेय...

इंद्रधनुचे रंग लावुनी ,

तुझ्याकडे पाहून हसतेय...||1||

मतलबी दुनियेत वावरताना,

मला अनेकांनी होते फसवले ...

आयुष्यात रंग भरलेस माझ्या ,

जेंव्हा मला तु स्वीकारले...||2||

अनेक रूपात न्हावून आली,

जादूई रंगाची होळी....

चल हृदयावर लिहूया आपण,

तुझ्या नी माझ्या मनातील ओळी....||3||

तुझ्या नावाचा रंग भरताना,

साऱ्या जगास आज कळाले..

पाहिले होते स्वप्न जयाचे,

ते आज मला मिळाले....||4||