हे बंध रेशमाचे
हे बंध रेशमाचे
लाल गर्द गुलाबी
बनून हृदयी छटा
तो सुगंध दरवळतो
वाऱ्याच्या घेऊन लाटा
परिपक्व फांदीवरती
उमगली कोवळी कली
आनंदाने हवेत डोलती
होऊन एक सावली
मंत्रमुग्ध भोवरा
मदपान करण्यात चूस्त
प्रणयात पराग किरणे
फुलात खेळती मस्त
मातीला कवटाळून
बसली आहेत मुळं
दोघांच्या प्रेरणेने
उगवली रसाळ फळं
ती आणि मी
दोघात प्रेम गाठी
हे बंध रेशमाचे
ना सुटणार जन्मोजन्मी गाठी