घर
घर
'घर' हे फक्त चार भिंती,एक छप्पर आणि बाजूने कुंपण इतकंच मर्यादित नसावं,
तर त्यात वास्तव्य करणाऱ्या व्यक्तींना त्यांच्या सुखदुःखात साथ देणार असावं ||१||
कामानिमित्त बाहेर पडणाऱ्या व्यक्तींना हसत हसत निरोप देणारं असावं,
आणि काम संपताच या व्यक्तींना परत स्वतःची ओढ लावणारं असावं ||२||
गरीबाची झोपडी, श्रीमंतांचा बंगला तर पक्ष्याचं घरटं,नावं फक्त वेगवेगळी,
पण त्यात आश्रयाला असणाऱ्या प्रत्येकाचं रक्षण करण्याचं काम करत असत हे एकटं ||३||
काहींना सतत या घरात बसून राहिलेलं आवडत नाही,
तर काहींना आपलं घर सोडून दुसरीकडे कुठे जाऊ वाटत नाही ||४||
लहानपणापासूनच प्रत्येकाची या घराबरोबर एक नाळ बांधली गेलेली असते,
आपण जसे मोठे होत जाऊ तशी हि नाळ हळूहळू घट्ट होत जाते ||५||
जीवनात या घराला अनन्यसाधारण महत्त्व असतं,
घर कसंही असो सगळ्यांनाच आपलं घर खूप प्रिय असतं ||६||