मन

मन म्हणजे असे ठिकाण ज्यामध्ये असतो सुखद-दुःखद आठवणींचा भलामोठा साठा,

जिथे एक विचार करता करता, दुसऱ्या विचाराला कधीच फुटलेला असतो फाटा ||१||

क्षणाक्षणाला अनेक विचार येत असतात या मनात,

आणि याच विचारांमध्ये माणूस इतका गुंतून जातो की बाकी काही नसत त्याच्या ध्यानात ||२||

असे हे मन आनंदी असेल तर तो आनंद लगेचच दिसून येतो,

आणि उदास असू तर ते तरी कुठे लपवू शकतो ||३||

आपल्या याच मनाच्या दोन बाजू असतात ,

फारच कमी बाबतींमध्ये त्या एकदुसऱ्याशी सहमत असतात ||४||

जेव्हा त्या एकमेकांशी सहमत असतात तेव्हा ते काम १००% सफल होतेच ,

आणि जेव्हा दोघी वेगवेगळे पर्याय सुचवतील तेव्हा काहीतरी गडबड असतेच ||५||

योग्य पर्याय निवडला तर त्याची निश्चितच चांगली फळे मिळतील,

अयोग्य पर्याय आत्मसात केल्यास येणारे भोग भोगावे लागतील ||६||

ऐकावे जनाचे करावे मनाचे या पंक्तीचा प्रत्येक निर्णय घेताना अवलंब करू,

उशिरा का होईना पण त्या निर्णयांच्या जोरावर निश्चितच विजय मिळवून दाखवू ||७||