घे भरारी

आहे मनात जिद्द तुझ्या

उंच अशी तू घे भरारी,

स्वप्नांना साकारण्यास

लढ तू ग बनून करारी

कष्ट करण्याची अपार

तुझ्यात आहे खुप जिद्द,

नको मानू हार आता

कर पार संकटांची हद्द

होतील बरेच घाव पण 

नको जुमानू तू गडे,

न डगमगता हसतच

सोसून सारे चाल पुढे

आकाशी घाल गवसणी

घे जिंकूनी सर्व सुखांना,

बंदिस्त भाव कर मोकळे

डावलून दे तू दु:खांना

खेचू पाहतील तुला मागे

करतील मार्ग तुझे बंद,

दाखव तुझी स्त्री शक्ती

अन् घे भरारी तू बेधुंद