घाई कशाला लग्नाची?
घाई कशाला लग्नाची?
बाबा का हो इतक्यात,
पायी बेडी ती लग्नाची?
झाली आत्ता अठराची,
घाई कशाला लग्नाची?
जुना काळ तो सरला,
लेक धन दुसर्याची!
जग चालले मंगळा;
नको चिंता भविष्याची!
उच्च आहे माझी स्वप्ने,
अंतराळी उडण्याची !
होता खगोल शास्त्रज्ञ;
गगनी झेपावण्याची!
झाले पास नुकतीच,
यत्ता अहो बारावीची!
झेपावता अंतराळी,
कीर्ती वाढेल कुळाची!
हात जोडून विनंती,
लेक तुमची लाडाची !
बाबा म्हणून सांगते,
घाई कशाला लग्नाची!