एकांत माझा

माझा एकांत आणि मी 

असतो जगण्याच्या फेऱ्यात 

कधी गुरफटूनी पुस्तकात तर

कधी मनाच्या वादळी भोवर्‍यात 

दुनियेचा गदारोळ पाहता 

काहीही नको वाटे 

शांततेची लहर येता 

मज एकांत बरा वाटे 

येथे प्रत्येकाच्या चेहऱ्यावरचे 

मुखवटे असतात वेगळे 

ते उचलून पाहताच 

दिसते काही जगावेगळे 

दुनियादारीच्या या जगात 

नसे कुणी कुणाचा 

प्रारंभ आणि शेवट असे 

सुखी मार्ग जीवन जगण्याचा 

जगण्याच्या या प्रवासात 

मार्ग निवड तुझा 

खडतर या वाटेवरी 

मज आवडे एकांत माझा