एक उनाड दिवस
एक उनाड दिवस
चल रे मना ! रिवाज सारे मोडू
सुख -दुःख विसरू सारे, बाजूला ठेवू ..
झालेल्या चुका थोड्या -थोड्या आठवू
निसटलेले क्षण पुन्हा नव्याने अनुभवू ...
चल रे मना ! थोडंसं आपण आता लहानगं होऊ
जीवनाचा आंनद घेऊ लहानात - लहान होऊ ...
करू मनासारखं .सारं काही.. झोपाळ्यात बसू
रान - वनात हुंदडू , फुलपाखराशी खेळू ...
चल रे मना ! मोठेपणाची लक्तरं क्षणभर फेकून
एक उनाड दिवस असाच ...जगू सारं झोकून...
हरिणाच्या पाठी धावू , तिचे पिलं पाहू
वर्तमानात डोकावून जगन हरवलेल पुन्हा तिथं शोधू ...
चल रे मना ! विचार कसला करतोस, होऊ थोडं अनोळखी
जाऊया कुठेहि तू नेशील तिकडे, आजचा दिवस तुझा गडे !
वाट्टेल तसं करू ,नाचू कुठे कसेही , ऊस ओढून खाऊ ...
चूक भूल माफ तुला ,,तू म्हणशील तसं एक उनाड दिवस तुलाच देऊ ...