लाइब्रेरी
प्रोफाइल
एक तरी झाड लाव
एक तरी झाड लाव
1 min
533
तुला मी सांगतो मित्रा उघड डोळे जरा आता।
उन्हापासून लपवावा कसा हा चेहरा आता।।
झळा सोसूनही देतो तुला जो सावली शीतल।
असो हृदयात प्रेमाचा तया साठी झरा आता।।
सुखा मागून दुःखाची असे वारीच ठरलेली।
रहावे त्यातही निश्चल स्वतःला सावरा आता।।
सखीला बोलवावे पण नसावी का तिथे छाया।
तिच्या साठी असावा ना तरूचा आसरा आता।।
स्वहस्ते छानसे, सुंदर तरू परसात लावावे।
सुखाचा मंत्र हा सोपा सदा ध्यानी धरा आता।।
