एक पणती एक वात
एक पणती एक वात
एक पणती एक वात
दिव्यासंगे सजली
तिमिराचे सावट सारूनी
रात्र प्रकाशात रूजली
दशदिशाही प्रकाशाने
न्हाऊन निघाल्या
उमेदीच्या किरणांची
बरसात करून गेल्या
अंधारात वाट दावी
एक मिणमिणता दिवा
उमेदिच्या किरणांची
आस लावे जीवा
उजळून निघाल्या भावना
उजळून निघाली मने
मनामनाच्या सात्विकतेची
उधळूनी दिव्य सुमने
मूर्ती तिची लहान
दिसे छोटीशी पणती
जळूनी स्वतः वातरूपाने
तिच्या प्रकाशाची नसे गणती
एक आशेचा दिवा
असा काही झगमगला
अनेक दिवे संगे घेऊन
तिमिरातही न डगमगला