एक मोरपिसी स्वप्न
एक मोरपिसी स्वप्न
जादूच्या नगरीतून उतरून
आला एक वेगळा भास
खेळत होती नभाशी
वाटे जणू आभास
ढगांच्या गर्दीतून
घेऊन येती इंद्रधनू
काय तिजला म्हणावे
कसे तिला वर्णू
डोक्यावर सोन्याचा मुकुट
आणि हातात जादूची कांडी
पांढरेशुभ्र वस्त्र तिचे
जसे ताऱ्यांचा पुंजका सांडी
अलगद येणे तिचे,
स्पर्शावे तिने अलवार
आपल्या स्मितहास्याने
जीवन होती बहारदार
इच्छा व्यक्त करताच
पूर्ण करते ती
लहानग्यांच्या जीवनात
आणते वेगळीच गती
आहे ती सुंदर परी
आणि एक मोरपिसी स्वप्न
आता एवढेच फक्त
तिच्या छबीला मनातच जपणं