चंद्र आहे साक्षीला

धुंद चांदणं नभी पसरले

मोहाचे ते क्षण गहिवरले

आली घटिका आपल्या मिलनाची

कहाणी वर्णिली, या जुल्मी नयनाची

चोहीकडे दाटला गर्भ अंधार

रात्रीने गायला प्रणय गांधार

आसमंत सामावला तुझ्या मिठीत

ओढ वेगळीच वाटे आपल्या भेटीत

वाटत नाही आता कुणाची भीती

राहणार नाही, ओंजळ प्रेमाची रिती

आता उशीर नको, घे मला कवेत

अनुभवू दे ही उर्मी, तुझ्या सवेत

पदर निसटता घडी पडली साडीच्या नक्षीला

या पहिला रात्रीसाठी, चंद्र आहे साक्षीला