एक दिवा समानतेचा..

झोपडीत त्या गावकुसाबाहेर च्या

एक दिवा समानतेचा तु लावुन ये

वाहु लागले जरी वारे समानतेचे

तरी तुझ्या मनात लपलेल्या

जातीभेदाच्या चोराला जरा मिटवून ये

एक दिवा समानतेचा तू लावून ये!!

मानव जात सारी एकसमान

तरी उच्च-नीचतेचा का करतो तू बडेजाव

लोकशाहीत आहे आता सर्व समान

जरा तुझ्या बुद्धीला पटवुन देत

एक दिवा समानतेचा तू लावून ये!!

कोण म्हणतो शिवाशीव नष्ट झाली आहे

पुर्वी उघडपणे आज चोरून चालली आहे

माणसाशी माणसासम जरा वागून घे

झोपडीत त्या गावकुसाबाहेरच्या

एक दिवा समानतेचा तू लावून ये!!