दिपोत्सव

कुंभाराची किमया ही

देई मातीस आकार 

दिप छोटासा उजळे

प्रकाशित जग सारं

 

दिवा मातीचा साकार

वात कपाशीची असे

तेल देई त्यास साथ

दिप उजळता दिसे

दिवा वातीस उपमा

जिवलगा देत असे

माने प्रेमाचे प्रतिक

सुख दु:ख जाणतसे

दिप प्रतिक दिशेचे

दर्शविते योग्य दिशा

सकारात्मकता मिळो

दिप उजळते आशा

दिप लावून करूया 

अंधकार संपण्यास

एक एक दिप देई

बळ एकीचे जगास

दिप माळ रोशनाई

आनंदाचे हो प्रतिक

दिपोत्सव हा साजरा

करू सारे जागतिक

येवो महामारी किंवा

येवो संकटे अनेक

दिप लावता एकीचा

लढू सारे होऊ एक