मोरपंखी बासरी

मोरपंखाच्या या सौंदर्याला

बासरी वाद्याची असे जोड

रंगांची अबोल उधळण

येथे धून बासरीची गोड

भक्तीमय चैतन्यास नित

अमुर्त प्रेमाची देते साक्ष

अलौकीक आर्त संवेदना

नव उर्जेसहीत चाणाक्ष

हिरवळीवर पहुडले

वाद्यासहीत सौंदर्य खाण

एक निल फुल उमलले

सकारात्मकता खरी जाण

मनोमिलन रंग स्वरांचे

प्रतिक प्रेमाचे शांततेचे

जीवन ही असेच सुंदर

मिलन श्रद्धेने संयमाचे

सप्तसुरांची गाठ जाहली

सप्तरंगांतील पिसाऱ्याशी

सप्तअक्षरे मी ही अर्पिते

समर्पण माझे लेखनीशी